السلام عليكم كيفكم يا حلوووين الصرااحه انا عندي قصيده بس ها القصيده لها سالفه معي
السالفه طول الله بعماركم .. كنا ساكنين ببريده في الأرياف
وكانت جنبنا بنت جيرانا مزيونه مره رغم ان لها جدايل وخدودها فيهن مشق لا بعد دايم تمشي لكم الكراامه بدووون نعال
بس بنت اللذين مزيوونه
لا شفتها طالعه عند الباب الله لا يوريك خذ تميلح عندها
امسك اخواااني وعيال حارتنا واصطرهم تسطير علشااان تناظر
فتى احلامها وتقول بنفسها اثريك قووووي ومنت سهل .. وخذ تميلح عندها
دايم متكي با الحوش حقهم واي شي تبيه امهم انفذه لها غسلت
مواعينهم وكنست حوشتهم
مابقى الا اغسل ملابسهم .. كله لعيون المزيونه (( هيله ))
ومن ردا حظي جلست سنه على ها الحال وانا تقل اندونسيه عندهم
اشتغل بيتهم .. وبعدها بكل بساطه جت امهم
وقالت خلاص لاتجي عندنا ( هليه ) غطينها وانت كبرت شفتو قمة النذاله
بعدها جتني صدمه نفسيه وعاطفيه .. حسيت ان الدنيا مافيها امااان
عااد وش رايكم مو قووويه اني حسيت ان الدنياء مافيها امان
المهم ماودي اطول عليكم يالله نجي لقصيده وعطوني رايكم
القصـــــــــــيده
يالله ياللي لك بنا خـــير منـــــهاج
ياالواحد اللي عاجــلاتن فــروجـه
ياعالم مابي وعنــــدك له عــلاج
يامن عليه القلب يشكي لجوجه
مشكاي طول العمر ماغيرك احتاج
لمن على الارض ضــاقت فجوجه
اجيك عاني وارتجي منك الافراج
ياعلي اقدر احــتمل كل عــــوجه
قلبي يفز فز كنه يشوى على الصاج
وعيوني عافت نومها من ضجوجه
هي قصتن صارت لي بلحظة ازعاج
وكل همي ذاك الوقت لعـبن اروجه
منها بدت قصـة غــرامن بالادراج
بيني وبين اللي وصلت المروجــه
اللي ملكت قلبي ملاكــن بلـي تاج
وقصورها بقـلبي تعـالت بروجــه
هي الوحيده اللي قدرت تبني ابراج
بيبانها لي بس تصــير مهجوجــه
من حسنها مايعرف الوجه مكياج
وعيونها للكــحل ماهي بحوجــه
ماغير مره حطت الروج والداج
وخليتها تمسح على طول روجــه
فيها الحـــلى ماينــتوصف بديباج
ولا ينوصف باالقمر من خروجه
اخاف موفي بوصفي حسنن بها لاج
يكفي حلاة الروح فيها وغنوجــه
صارحتها بحبي بلى خوف واحراج
وهي صارحنتي بحبها ومحروجـــه
حبــيتـــها حـــبن ولامـنه مـــخراج
حبـن على نفســـي مقدر نضـــوجه
والحب الاول مره نوقــد له سـراج
انا وهي ماعمــرنا عشــنا هــوجــه
هذا بعد عـام من الوصــل وانــداج
لا شفتها ولا كنــت احاول خـــروجه
عشنا على ها الحال عامين بإدماج
ليــن القــدر حتــم لقاءنا بــدروجــه
