~أوفى صديق~

~ أوفى صديق ~

دارت الأيام واهدتني صديق
أجودي فزاع موفي بالوعد

ما يطيق البعد عني ما يطيق
بالشدايد والرخا .. لا .. ما بعد

صاحبي .. باله وسيع (ن) ما يضيق
ما تخلى أو جفاني أو جحد

دوم يذكرني بماضينا العتيق
ودوم يجدد لي وداده والعهد

لا نويت النوم عاتبني شفيق
ما يبينا النوم يبعدنا أبد

كل ما شديت خاواني الطريق
ولا قصدت ديار لدياري قصد

هو وانا كل (ن) على الثاني يليق
ومن عيون الناس ما شفنا حسد

ودكم تدرون من هذا الصديق ..؟!
هو ( حزن ) ما هو لا بنت ولا ولد

تحياتي,,,