بسبب أحداث سلبية كثيرة تحدث في مجتمعاتنا, و بعض الظواهر السلبية الأخلاقية و ممكن كمان نكون متاخرين شوية في الزراعة والصناعة...:
دخل جوانا شعور عند بعضنا ان الأمة ماتت ومفيش منها أمل....
جزء من الأشياء السلبية لأمتنا احنا السبب فيها و جزء مش السبب فيه...
لكن والله اللي يشوف أمتنا من 60 سنة و يشوفها دلوقتي يعرف ان فيه صحوة دينية و أخلاقية كبيرة جدا و ان العالم كله في انحطاط ديني و أخلاقي الا احتا في تحسن مستمر...
و كل الأرقام و الاحصلئيات بتقول كده ده مش كلامنا....
احنا مينفعش ان احنا ننسي المساجد المليانة و ملايين المحجبات بل الفهم السليم اللي بدأ يملئ قلوبنا : ان احنا زي ما حنصلي زي ما حنعمر الأرض....
و لازم نعرف انا المحنة اللي بتمر بها الأمة هي رسالة من ربنا عشان نرجع له تاني...
و الحمد لله بدأنا نرجع له تاني ...و الخير قرب ...و النصر قرب... و أمة محمد صلي الله عليه وسلم منصورة من الله...
لو كل واحد نصر ربنا علي نفسه...
" ان تنصروا الله ينصركم ويثبت أقدامكم"
أبدأ بنفسك...
وصيتي لكم يا جماعة:
عايزين نحب بعض... و نتحد كلنا... و عايزين كل واحد يبدأ بنفسه... و يكون قدوة...النصر مش حيجي الا من بيتك...
حب ربنا... و حب الناس... و اتقن عملك... يأتي النصر من بيتك...
