خدعوك فقالوا.. ولعبة الشيطان معاك أول ماتلتزم
"انت التزمت وقربت من ربنا... ولسه عندك مشاكل؟!"
ليه اى حاجة بندعى بيها و مش بتتحقق لينا بنحس باحباط و يأس؟؟
و بنعتبر انه ضرر اصابنا و ان ربنا ضيق علينا؟؟؟
ليه مش بنعتبره ابتلاء ...و ان ربنا منع عنا ضرر من الممكن انه كان يصيبنا اذا استجيب لدعوتنا و ان ربنا هيجازينا فى الاخرة...
دنيتنا دار ابتلاء... فيها المرض، و فقد الاحبة، و الفقر... بس لازم نحتسب و نصبر و نشكر لان ربنا هيعوضنا عنها فى دار الجزاء بتكفير الذنوب و قصور فى الجنة و رفقة الحبيب المصطفى صلى الله عليه و على آله و سلم "تبارك الذى بيده الملك و هو على كل شئ قدير الذى خلق الموت و الحياة ليبلوكم ايكم احسن عملا"
فيه مننا اللي بيقول
"انا دعيت ربنا انى اتجوز و محصلش و دعيت يوسع عليا و سيبت حاجات كتير حرام علشان خاطر ربنا... و بردوا محصلش اللى انا عايزه"
اصبر و استسلم لربنا... هو انت مسمعتش عن ناس لما اغتنت بعدت عن ربنا و استغنت عنه؟؟؟
ممكن ربنا يأخر اجابة دعائك لحكمة انت لاتعلمها...
استسلم لربنا و خد بالاسباب و اجتهد و اتق الله "و من يتق الله يجعل له مخرجا و يرزقه من حيث لا يحتسب" احنا بكل ما نملك بين ايدين ربنا ملك الملوك...
وصية استاذ مصطفى لينا يا جماعة:غمض عينيك 5 دقائق و مارس حياتك و انت مغمض...فتح...و اشكر الله على نعمة لم تشكره عليها من قبل...
شاركونا بأرائكم و تعلقاتكم عن حلقة اليوم :الابتلاء
