بين الحب و الحاجه هل نحن نحب ام نحتاج!!؟
الحب شي موجود بالفطره من اول لحظه بحياتنه نحب و الحب الاول بحياة الدنيا كولها هو حب الام و السبب هو الام هي المكان الي احتضنه 9 شهور(واذا انولتوا ب7 او 8 شهور هم ميخالف)
بعدين رح تنتقل لحياة وسط عائله رح تكتيب حب هوايه ناس باباتك و اخوانك و اصدقائك رح يكونون هم حياتك يعني بالبيت تشوف عائلتك من تطلع رح تشوف اصدقائك وهكذا يعني رح يكونون جزء الاكبر من حياتك بعدين رح تحب هنا وصلنه للموضوع واخيرا
صار عنك هسه
ماما و بابا و اخواني و الاصدقاء و الحبيب/ه
هنا سؤال حب الام بالفطره و البقيه مكتسب
بس انت فعلا تحبهم
انت متكدر تعيش بدونهم بس هذا حب لو حاجه !!!؟
شلون تكدر تميز بين الحب و الحاجه؟
اذا فقدت شخص من هذولي رح تبجي وتزعل هوايه بس هذا حب لو حاجه!!؟
لازم نتفق انو اذا كنت تحب لازم تطي الحريه للي تحبه يعني اذا حبيبك/تك ازوج/ت مثلا وكان/ت سعيد/ه لازم تفرح/ين
اما اذا زعلت و بجيت معناتها انت متحبها وانما دتحتاجها
اذا فكرنه انو الحب حريه لمن نحب و الحاجه اسر لمن نحتاجهم
هسه اكتشفت اكو ناس انت متحبهم وانما تحتاجهم!!!؟
وهم لازم نتفق الحب و الحاجه ميجتمعن الا للام لان حبها غير شكل
لان بكل بساطه الحب حريه و الحاجه قيد فشلون يجتمعن !؟
بين الحب و الحاجه هل نحن نحب ام نحتاج!!؟
خبصت الموضوع و يمكن دوختكم
بس احب اشوف ارائكم
تحيتي