اقسم بالله قنوات تعبانة مليها لزمة .. و حوارات استفزازية عشان يداروا الوكسة فى المتش .. باعتيين جماهير النايتي اللى بتخاف من ضلها .. طوبتين فى الازاز قعدوا يجروا و يصرخوا .. و اللى حصل شغب عااااااااااادي جدا ولا واحد على عشرة من اللى حصل و اللي بيحصل فى اوربا .. جماهير انجلترا و اسكتلندا كانوا بيضربوا فى بعض بالايام .. و ايطاليا و النمسا كانوا بيدبحوا فى بعض .. عمرنا مشفنا الحكومات قطعت علاقات و لا اتكلموا بكلام فارغ زي اللى بنقوله ده..
انا طبعا مش مع اللى حصل فى الجزاير و عارف انه جرم كبير .. بس مش دي طريقة لتناول احداث ابدا .. فرنسا متبهدلة بقالها اسبوع مع العلم انها مش طرف ولا ليها اي دعوة .. و هي دولة اقوى مننا 50 مرة و فى ايديها حاجات اقوى مننا بالف مرة تهدد بيها حكومة الجزاير .. انما هما ناس عندهم عقل و بيدورا على المصلحة العامة و مبيهجوش الدنيا على اي حاجة
21 مصاب مصري منهم 9 اصابات طفيفة و اتعالجوا فى الطيارة و الباقي فى المستشفى و هيخرج فى خلال يوم او يومين ..هما دول اللى هيجوا الدنيا .. هتقولولي كرامة المصري؟ هقول فين كرامة المصري المتبهدل فى بلده و كل بلاد الارض .. كرامتنا مش هتيجي بالتطبيل و قطع العلاقات و المظاهرات و المعايرة كرامتنا هتيجي باحتواء الموقف باسلوب عقلي متحضر بصرف النظر عن ثقافة الشعوب اللى بنتعامل معاها ..
رئيس اكبر دولة فى العالم اضرب بالجزمة ..ايه اللي حصل؟؟؟!!
ولا حاجة .. 3 سنين سجن بس .. يعني ولا حاجة .. مقالوش عشان كرامتنا ننسحب من العراق .. شغلوا عقلهم و عرفوا ان مصلحتهم هي وجودهم فى العراق سياسيا و اقتصاديا لسحب مواردها ..
انما احنا اقطع علاقات و ضيع 6 مليار جنيه استثمارات عشان كرامتك الوهمية و عشان 21 واحد مصري اتخربش فى السودان .. و عشان شوية فرافير بدل ميبادلوا الضرب جريوا قدام الجزايرين ..
اخيرا .. لكل الفضائيات المصؤية فضحتونا ..فضحتونا ..فضحتونا .. توقفوا حالا عن العبث بعقول البسطاء لتداروا خيبة ارسال جماهير ذاهبة لمشاهدة حفل فى الاوبرا .. او خيبة منتخب لا يعرف فى كرة القدم سوى ارسال عرضيات فى احضان المدافعين الجزائرين لا معنى لها .. او خيبتكم انتم لعدم قدرتكم على الاتحاد على موضوع مهم يفيد البلد
